لوحة الفنانة نجمة الأنصاري
قصائد عاطفية نظمت بعد إصدار ديوان تلايا الليل للشاعر إبراهيم الأنصاري
ما لك محل
شلت حب الناس كله والغلا ... واللي اريده من زماني ...
والأماني ...
واحفظيته في حناني ... بين وجداني وكياني
وطوّقيت قلبي وروحي والحشا ...
بزيج من نور وأمل
وقدميت قلبي هدية ... وباقة ريانه ندية
وكتبيّت عهدٍ على نفسي وزماني
اسكنج بين الضلوع ... وارسمج ضي وشموع
واحفضج دره ثمينة في خزينه من غزل
واهجريت ناسٍ تحبني
توله ...تْودني ... تعزني
والعذر بابي انقفــــــــل
وازرعيتج في ندى قلبي الحنون
وارفعيتـــج فوق راسي والعيون
تاج إحساس ومعزه ما تغير او نزل
ومرت الدنيا سريعة
وانا آباري سكتج
اداري كل لحظة فرح في دنيتج
وآظلللج
عن سموم القيض ... وبرود الليالي
وغيمٍ ما مره تدفق او هطل
واغفليت ... ويومٍ صحيت ...
اكتشفت ان اللي كانت زهرتي الناعمة الرقيقة
بيت فلي ... دار ظلي
ما تبي تصبح حقيقة ... صاب تفكيرهـا الملل
يوم تقول لي ما أعيش الا بحسك
اعشقك ... انا احبك
ويوم تقول لي ما حصل ...
أني هويتك ...
لا انت فرحي وبهجتي
ولا انت روحي ودنيتي
ولآني ورده في بساتينك او هدية للأزل
ما لك محل ... ما لك محل
وابعديت ...
وامسحيت صوره قديمة من خيالـي والمقـــل
واتصل ...
صوتٍ يناديني حبيبي آشتري بعمري الزعل
لا تظن أنسي حبيبي يكفي قلبي وما احتمل
وجاوبيت بنفس التعابير والمعاني والجمـل
ما لك محل ... ما لك محل
البدر من ليلك رحل
والصبح من فجرك أفل
والورد في غصنك ذبل
ومات الأمل ... مات الأمل
مات الأمل
إبراهيم الأنصاري
*****
ذبحني الصمـــت
حبيبـــــي قول لـــي علمنـــي ورا متغيـــرٍ صوتك
عسى ماشر طمنــــي ذبحني الصمـــت في صوتك
في نبراتك ، في سكتاتك ، في نهدة حسك وصوتك
آنـــا من لحضـــةٍ تحزن في كـــل ينبـي آحس أبها
لأنـــك مهجتـــي والـــروح وذاتـي اللي آحس أبها
فديتـــك باللـــي مايـــرخص وفديــت آهٍ تحس أبها
حياتـــي تبتـــدي لمّـــن آحس بالفرحه في صوتك
إبراهيم الأنصاري
*****
الهاتف
قالت لي خيـــر وأش صايــر وراك أمبند الهاتف
ثلاث ساعـــات ياعمـــري وانا آتريــــــه اتهاتف
كتبــــت لك ودي النقال يضمنـــا ونقعـــد انهاتف
ما يآنـــي ردك وصوتك لى سبعٍ صارت الساعه
وآنـــا ولهانه من يومي ، عليك الحين ، ومساعه
وترد توني ترا صاحي غفيت ياعمري جم ساعه
حبيبـــي في نــوم ومريـــح وآنا متشاغبه آهاتف
إبراهيم الأنصاري
*****
الصورة
تقول لي الصوره آحبك
آحب نبراتك ونبضك
آحب قلبك ...
آحب كل الظروف اللي تصور فرحتي جنبك
آحب آصير لك شمعه
تسفر في دجي دربك
وآكون وياك وفي قربك
آنا احبك ... آنا احبك
***
تقول لي الصورة ما غبي
آنا لو خاطري وابي
آقط راسي على جتفك
آذوب في احساسك وحرفك
وآغيب عن كل آلامي
وآلون عمري وأيامي
بلون قليبك الطيب
تقول لي الصورة
ياحبي ... يانبعٍ في الحشا عذبي
تعال ذوّب لي الدمعه
وهات العمر لي جمعه
غيابي ... حاضري ... أمسي
خوفي ... حيرتــي ... همسي
تعال سمعني حروفك
تعال سكني في يوفك
آنا مشتاقه ولهانه ...
آنا مشتاقه ولهانه على جوفك
***
فديت الصورة ومن سمى
فديت من باسها وسمى
ونادى بسمج الغالي
يا شمسي الضاويه البدره
ياوردي وسدرتي الخضره
وعد مني لوزاد الوقت في جوره
وغاب عن قلبي سروره
باظل وياج لى التالي
آردد اسمج الغالي
وآناجي بحلمي الصورة
آردد اسمج الغالي
وآناجي بحلمي الصورة
0 تعليقات